الكون في راحة اليد

الوحدة شعور متناقض او بالأصح شعور يمكن تفسيره بصورة كويسة او سيئة طبقاً للحالة المزاجية

خلال قرائتي لرواية الكون في راحة اليد كانت بتتكلم عن آدم وحواء، الجميل بالنسبة لي كان شعور الأكتشاف الأول لكل حاجة حواليهم وهو ده اللي بيخليني اقول إن ممكن الوحدة تكون حلوة: أنت واللي بتحبه بس في كون واسع بتكتشفوا انفسكم والدنيا حواليكم بمنتهي الهدوء وكل حاجة صغيرة بتعملوها هي إنجاز شخصي كامل ليكم دون المقارنة مع اي حد تاني او خوف من مراقبة او آراء باقي الناس

اكتشاف الجسد، ممارسة الجنس، الحمل، الولادة، مراقبة الأطفال وهي بتكبر، إحساس بمجئ الشتاء او الصيف لأول مرة حاجات كلها ممكن تكون اكتشافات عظيمة في مثل هذه الحالة

راس شيطان وكوخ من الخوص ونظرة حب طويلة ونوم هادئ في الحضن

بالعودة للرواية وبالكلام عن الوحدة؛ كان بالنسبة لي أقسي تمثيل للوحدة كان في الجزء الأخير المتعلق ب بنت أدم وحواء اللي كانوا شايفينها مش جميلة زي اختها ( مش قادر افتكر اسماؤهم ) والبنت لما حست ان اخواتها مش عايزين يتجوزوها قررت انها هتسيب العيلة وهتروح مع قبيلة من القرود وتكمل حياتها معاهم. 

وده بالنسبة لي كان اسوأ جريمة ويمكن أسوأ من جريمة القتل ما بين قابيل وهابيل