الكيرف الأعلي من فترة قي القراءة والأفلام والكتب وهو شئ لطيف وبيخفف من رتم الملل في الحياة.
يمكن كل حاجة من الكتب والأفلام دي ينفع يتكتب عنها تدوينة لوحدها.
البداية كانت بفيلم life in a day
وده فيلم وثائقي لطيف عملته ناشيونال جيوجرافيك بعد ما طلبت من الناس انهم يصوروا مقتطفات من حياتهم يوم ٢٤ يوليو ٢٠١٠ وبعدين جمعوا كل الفيديوهات من علي مستوي العالم وعملوا بيها حاجة مبهرة وإنسانية جداً وخاصة طريقة تعبير الناس عن الحاجات البسيطة اللي بيحبوها. في ولد لطيف جداً لما بيقوله بتحب ايه رد عليهم وهو بيحضن الثلاجة وبيقول ثلاجتي علشان فيها كل اللي بحبه ومبتتحركش ومبتتكلمش!
الكتاب اللي عجبني جدا برضة كان بارتلبي واصحابة بتاع انريكه بيلا ماتاس والقراءة الأولي ليه وواضح اني هفضل احب الكتاب الاسبان كل شوية اكتر ف اكتر.
الكتاب بيتكلم عن فترات الإنقطاع عن الكتابة اللي بتيجي للمؤلفين والحقيقة ده موضوع بيمس كل الناس اللي بتكتب بس الكتاب مليان بقصص عن مؤلفين قدام وعن مشاكلهم وطريقتهم في الكتابة.
كفاية كدة دلوقتي وهكتب تاني عن باقي الافلام والكتب.
نمنمنم الصورة تفتح النفس ع الحواديت
ReplyDelete